അൽ-സബൂർ 34
അള്ളാഹുവിന്റെ സംരക്ഷണം
34 1റബ്ബ്ൽ ആലമീനെ ഞാന്‍ എന്നും പുകഴ്ത്തും, അവിടുത്തെ സ്തുതികള്‍ എപ്പോഴും എന്റെ അധരങ്ങളിലുണ്ടായിരിക്കും. 2റബ്ബ്ൽ ആലമീനില്‍ ഞാന്‍ അഭിമാനം കൊള്ളുന്നു; പീഡിതര്‍ കേട്ട് ആനന്ദിക്കട്ടെ! 3എന്നോടൊത്തു റബ്ബ്ൽ ആലമീനെ മഹത്വപ്പെടുത്തുവിന്‍ ; നമുക്കൊരുമിച്ച് അവിടുത്തെ നാമത്തെ സ്തുതിക്കാം.
4ഞാന്‍ റബ്ബ്ൽ ആലമീനെ തേടി, അവിടുന്ന് എനിക്കുത്തരമരുളി; സര്‍വ ഭയങ്ങളിലും നിന്ന് അവിടുന്ന് എന്നെ മോചിപ്പിച്ചു. 5അവിടുത്തെ നോക്കിയവര്‍ പ്രകാശിതരായി, അവര്‍ ലജ്ജിതരാവുകയില്ല. 6ഈ എളിയവന്‍ നിലവിളിച്ചു, റബ്ബ്ൽ ആലമീൻ കേട്ടു; എല്ലാ കഷ്ടതകളിലും നിന്ന് അവനെ രക്ഷിക്കുകയും ചെയ്തു. 7റബ്ബ്ൽ ആലമീന്റെ മലക്ക് മഅബൂദ്ഭക്തരുടെ ചുറ്റും പാളയമടിച്ച് അവരെ രക്ഷിക്കുന്നു.
8റബ്ബ്ൽ ആലമീൻ എത്രനല്ലവനെന്നു രുചിച്ചറിയുവിന്‍; അവിടുത്തെ ആശ്രയിക്കുന്നവന്‍ ഭാഗ്യവാന്‍ . 9റബ്ബ്ൽ ആലമീന്റെ വിശുദ്ധരേ, അവിടുത്തെ ഭയപ്പെടുവിന്‍ ; അവിടുത്തെ ഭയപ്പെടുന്നവര്‍ക്ക് ഒന്നിനും കുറവുണ്ടാവുകയില്ല. 10സിംഹക്കുട്ടികള്‍ ഇരകിട്ടാതെ വിശന്നു വലഞ്ഞേക്കാം; റബ്ബ്ൽ ആലമീനെ അന്വേഷിക്കുന്നവര്‍ക്ക് ഒന്നിനും കുറവുണ്ടാവുകയില്ല.
11മക്കളേ, ഞാന്‍ പറയുന്നതു കേള്‍ക്കുവിന്‍ , അള്ളാഹുവിലുള്ള ഭക്തി ഞാന്‍ നിങ്ങളെ പരിശീലിപ്പിക്കാം. 12ജീവിതം ആഗ്രഹിക്കുകയും സന്തുഷ്ടമായ ദീര്‍ഘായുസ്‌സ് അഭിലഷിക്കുകയും ചെയ്യുന്നുവോ? 13തിന്‍മയില്‍ നിന്നു നാവിനെയും വ്യാജഭാഷണത്തില്‍ നിന്ന് അധരങ്ങളെയും സൂക്ഷിച്ചുകൊള്ളുവിന്‍ . 14തിന്‍മയില്‍നിന്നകന്നു നന്‍മ ചെയ്യുവിന്‍ ; സമാധാനമന്വേഷിച്ച് അതിനെ പിന്‍തുടരുവിന്‍ .
15റബ്ബ്ൽ ആലമീൻ നീതിമാന്‍മാരെ കടാക്ഷിക്കുന്നു; അവിടുന്ന് അവരുടെ വിലാപം ശ്രവിക്കുന്നു. 16ദുഷ്‌കര്‍മികളുടെ ഓര്‍മ ദുനിയാവില്‍ നിന്നു വിച്‌ഛേദിക്കാന്‍ റബ്ബ്ൽ ആലമീൻ അവര്‍ക്കെതിരേ മുഖം തിരിക്കുന്നു. 17നീതിമാന്‍മാര്‍ സഹായത്തിനു നിലവിളിക്കുമ്പോള്‍ റബ്ബ്ൽ ആലമീൻ കേള്‍ക്കുന്നു; അവരെ സകലവിധ കഷ്ടതകളിലും നിന്ന് രക്ഷിക്കുന്നു. 18ഹൃദയം നുറുങ്ങിയവര്‍ക്കു റബ്ബ്ൽ ആലമീൻ സമീപസ്ഥനാണ്; മനമുരുകിയവരെ അവിടുന്നു രക്ഷിക്കുന്നു.
19നീതിമാന്റെ ക്‌ളേശങ്ങള്‍ അസംഖ്യമാണ്, അവയില്‍നിന്നെല്ലാം റബ്ബ്ൽ ആലമീൻ അവനെ മോചിപ്പിക്കുന്നു. 20അവന്റെ അസ്ഥികളെ റബ്ബ്ൽ ആലമീൻ കാത്തുസൂക്ഷിക്കുന്നു; അവയിലൊന്നു പോലും തകര്‍ക്കപ്പെടുകയില്ല. 21തിന്‍മ ദുഷ്ടരെ സംഹരിക്കും; നീതിമാന്‍മാരെ ദ്വേഷിക്കുന്നവര്‍ക്കു ശിക്ഷാവിധിയുണ്ടാകും. 22റബ്ബ്ൽ ആലമീൻ തന്റെ ദാസരുടെ ജീവനെ രക്ഷിക്കുന്നു, അവിടുത്തെ ശരണം പ്രാപിക്കുന്നവര്‍ ശിക്ഷയ്ക്കു വിധിക്കപ്പെടുകയില്ല.